نصائح باش تنجح ليكم الشمعة

سلام عليكم
بغيت نفيدكم شوية ب داك الشي اللي كنعرف على الخدمة د الشموع هو بطبيعة الحال بنجاح الشمعة و لا اي وصفة كتعتمد على روحانية بنادم اللي كيخدمها و لكن فاش كنديرو داك شي ب قوامو كتصدق الوصفة
اول حاجة غنبدا بيها هي الشمعة نيت اللي غنكتبو فيها قبل ما تكتبي كيخصك تنظفيها شوية من الوسخ اللي كيمون فيها كرطيها غي شوية ب شي حاجة د خشب او دهب باش تحيدي ديك الطبقة اللي قاستها مية يد و مغبرة
تانيا الكتابة ديال المحبة دايماااا بلا نقط و عمرك تكتبي بالحديد يا اما الخشب او الدهب
الشمعة من الاحسن تكتب قبل الظهور و تحطيها حدا شي شرجم و تشعل مور العشاء هتقولولي علاش هنقولكم حينتاش خصها تسمع الادان د الظهر و العصر و المغرب و العشاء هدا بالنسبة للشموع د الملوك.
تالتا و اهم حاجة يا الغزالات خصك تتعاملي مع الشمعة بحال شي كاين حي ماشب جماد ما تلوحيهاش عطيها قيمة راه بحال شي كادو غالي غتعطيه لشي حد تهلاي فيها تتهلا فيك
رابعا و هدا معروف باش ما يشدش فيك الحر ديالها . كاين بزاف د الطرق يا اما تحطي سوتيانات ف تلاجة او تحطي السكر او الحرمل تحت لسانك و انتي كتكتبي او عضي على لسانك طول الفترة اللي كتكتبي فيها
فاش تشعلي الشمعة ايلا عندك التمر حطي حداها عدد فردي يا اما تمرة او 3 او 5 او 7 ايلا ما كانش التمر الشكلاط او اي حاجة انتي شخصيا كتبغيها و يلا ما عندكش حطي 7 حبات الحرمل
و عطرو الشمعة ب ريفدور و يلا ما عندكش رشي عليها اعز عطر عندك راه كيف ما قلت عطيها قدرها ما تخيبكش

و اهم نقطة ف هاد الشي كامل هي من الاحسن فاش تجي تشعلي الشمعة ما يسيق حد الخبار حتى تسالي و تطلع ليك نتيجة و تنجح الوصفة عاد عاوديها و تباهاي و انتي فرحانة ب نجاح الوصفة راك كتشكري الجواد اللي عاونوك

و الله يعطي لكل واحد فيكم ما نوا ف خاطرو

الله يعطيك العافية

مشكورررررررة جدا حلا

شكراا