قصة {خــلــخــال} الجزء الثالث

أفرضي أنه دخل وأنتي مانتي متغطيه ومقابله له وش يصير.
جنان وهي تمشي رايحه للمطبخ تجيب فطور أبوها:أيه بس مو كذا بنات الجيران تغطن على بالهن الرجال بوسط بيتهن.
أبو جنان أبتسم:طيب أنا وش أسوي أصقعه على فمه أقول أسكت بنيتي نايمه.
جنان وهي تحط الفطور قدام أبوها:لا بس المفروض يقصر حسه مو يلعلع تقول أني صمى ويادوبك أسمع المهم هو من.
أبو جنان أبتسم:المحقق سعد الكايد هذا اللي مستلم قضية مذبح أمتس الله يرحمها.
جنان:ما كان أسمه عبدالله.
أبوجنان:عبدالله يكون أبوه لسعد وهو تعبان الرجال كبر بالعمر والأمراض هدة حيله وسلم القضيه لولده بس والله ماشاء الله عليه ذكي طالع على أبوه.
جنان:طيب وش جابه لهنا.
أبو جنان تنهد:ااه هذا يابوتس أمس وأنا أفتش بغريضات أمتس كود القالي شيء يساعدنا ألا والقى لفه بين أغراضها فتشتها مالقيت فيها غيرض ملابس لتس كنت برجعها ألا وأسمع صوت قرطسه فتحت الفه فتشت الملابس ولقيت أوراق مستندات ديون على واحد أسمه حمود عادل يوسف العيسى وش جابها لأغراض أمتس الله وحده أعلم.
جنان:طيب أنت ماتعرف هاللي مادري وش أسمه.
أبوجنان:لا والله ولا بعمري سمعت فيه.
جنان وهي تصب الحليب بالزنجبيل بالكاسه وتقدمها لأبوها:أيه مصيرنا نعرف.
أبوجنان:الله يعين.
ـــــــــــــ
*
*
وقف قدام سبعه رجال وهو يعطيهم ورقه صغيره وبتأكيد:كل شيء عن هذا الرجال اللي أسمه بالورقه أبغيه يكون على مكتبي اليله سمعتوا.
واحد من الرجال وأسمه يزيد:حاظر طال عمرك.
فهد وهو يجلس ورا مكتبه:يالله روحوا لشغلكم وأنتبهوا لا أحد يحس عليكم.
الرجال هزوا روسهم وطلعوا لشغلهم فتح النت وكتب بمحرك البحث قوقل(حمود عادل يوسف العيسى)حط بحث بس ماطلع له شيء عقد حواجبه معقوله مو شخصيه مهمه ضرب راسه سعد ماقال له شيء عن هالرجال بس أسمه.
رفع جواله وأتصل بسعد رنه وثنتين ومن بعدها رد.
سعد:هلا فهد.
فهد:هلا فيك سعد أنت وش تعرف عن هذا حمود غير أسمه.
سعد:ولله رجل عصابه بس الله يخليك فهد كون حذر الرجال طلع خطير مره.
فهد:كيف عرفت أنه رجل عصابه.
سعد:المستندات تدل على أنه مستلم كميات هائله من الهيروين والأسلحه الممنوعه وغير قنابل مسيله لدموع.
فهد أتسعت عيونه:وهذي وين لقيتها.
سعد وهو يوقف عند بيت جدة نواف:بكره أقولك كل شيء أنا ذلحين عندي شغل.
فهد تنهد:طيب يالله توصي شيء.
سعد وهو يتأمل البيت الشعبي البحت:لا سلامتك.سكر من فهد وطالع بمحمد:هذا هو بيتها.
محمد:أيه.
ترجلوا الثنين من سيارة سعد ال BMW x5 وقفوا عند باب الحديد الازرق ومصدي من تحت رفع سعد يده وطرق الباب ثلاث طرقات.
ومحمد يطالع بجدار الحوش اللي متسلبه بويته وواضح الأسمنت رفع عينه يطالع البيت ألي كان لونه أبيض بس مع مرور السنين صار لونه بيج ومتصدع وشبابيكه حديد لونها أزرق.
أنفتح الباب ليطل من خلفه شاب في أول العشرينات لابس ثوب أسود وطاقيه تبين من تحتها شعره الأسود الفاحم وكانت ملامحه بدويه بحته حواجب طويله وعريضه وعيون سوداء حاده أنف سلة سيف وشفائف رجوليه وبشره حنطيه وله سكسوكه مع عوارض خفيفه وجوانب السكسوكه عباره عن ظلال خفيفه جسمه رياضي يميل لنحل قال بصوت رجولي مبحوح:هلا.
سعد وهو يفتح محفظته ويطلع منها بطاقه:السلام عليكم.
الشاب:وعليكم السلام.
سعد وهو يمد بطاقته التعريفيه:معك سعد عبدالله سعود الكايد محقق في الجرائم الجنائيه وأشر على محمد وهذا مساعدي محمد خالد فهد الفيصل هذا بيت الخاله فضه العامري.
الشاب وهو يشرع الباب:وصلت أخوي حياك.
دخلوا سعد ومحمد سكر الشاب الباب وتقدم يمشي وتبعوه فتح باب ونزل حذيانه الجلد البنيه:حياكم.
دخلوا لمجلس شعبي جلسوا فيقلب المجلس والشاب مسك الدله وبدا يقهويهم.
سعد بعد مارشف من القهوه:ألا ماعرفتنا بنفسك.
الشاب:محسوبك سعود عامر سعود فهاد العامري.
سعد:والنعم بس أذا ماعليك أمر نبغي نقابل الخاله فضه.
سعود وهو يحط الدله على الجزه:دقايق.ومشى بتجاه الباب بخطوات متوازنه غاب عن أنظارهم وبعد دقائق دخل ودخلت وراه عجوز يكسوها السواد يميل جسدها لنحل ماسكه بيدها عصى خشبيه وقفوا سعد ومحمد.
فضه:السلام عليكم.
سعد ومحمد بأصوات شبه خافته:وعليكم السلام.
فضه تقدمت وهي تقول:تفضلوا الله يحييكم.
جلسوا وهي جلست بمحل شويه بعيد عنهم وبينها وبينهم يجلس سعود.
سعد:معك سعد الكايد المحقق في قضية مقتل هند العامري اللي صارت قبل 16سنه.
فضه بهدوء:ياهلا فيك قال لي وليدي(وأشرت على سعود)قول عساكم لقيتوا ذباحها.
سعد طالع بمحمد ومحمد تكلم:الصراحه ياخاله حنا جايين ننشد عن رجال أسمه حمود عادل يوسف العيسى ونبغي نعرف هو وش علاقته في جماعتكم.
فضه وهي تتذكر:حمود...حمود.أيييه هذا رجال مات من عشرين سنه ليش تسألون عنه.
سعد بحلق عيونه:شلووون ميت من عشرين سنه.
محمد بصدمه:مستحيل حنا لقينا أوراق عليها توقيعه وصار لها 17سنه.
فضه بثقه:لاوالله الرجال ميت منعشرين سنه وأنا بنفسي رايحه ومعزيه حرمته وجماعته في موته وزوجي فهاد رحمة الله عليه مشيع جنازته.
سعد:طيب وش تعرفين عنه.
فضه:ليه وش صاير وويش هي الأوراق اللي لقيتوها ووش دخلها بمذبح هند الله يرحمها.
سعد بحرص:أسف ما أقدر أقول شيء بس أنتي جاوبين تعرفين عنه.
فضه وهي تتذكر:ايييه ولله كان رجال طيب وراعي واجب مكرم الضيف وساد حاجة المحتاج هو كان شيخ لقبيلته وعادل مع أهل جماعته.
سعد:وحالته الماديه والصحيه كيف كانت.
فضه وهي تتأمل ملامح سعد:حالته الماديه زينه يعني نص ونص وصحته تدهورت قبل موته بخمس سنين صابه السرطان الله يحمينا منه.
محمد:طيب هو عنده أعداء ناس تكرهه.
فضه بشك:أنتم وش وراكم أنتم سامعين عنه شيء.
سعد بهدوء:ما ورانا ألا كل خير بس أنتي جاوبي ياخاله.
فضه بتردد وهي تطالع بسعد ومحمد:يعني فيه كم رجال كانوا يكرهونه.
سعد:يكرهونه كيف؟
فضه بأستنكار لسؤاله:كيف يكرهونه كيف؟
سعد بطولة بال:يعني وش سبب كرههم له وش نوع الكراهيه.
فضه تنهدت:بينهم مشاكل من أجدادهم وللحين عيال حمود وأحفاده مايحبون عيال وأحفداد هذوليك.
محمد ببرود:ومنهم هذوليك.
فضه بتلعثم:ناس من جماعتنا.

مشكورة