ولاد الغابة كولكوم حطابة

يتسماو الكوحل الكبار
هوما مالين الغابة 
ملوك قاصحين بزاف 
وخدمتهم زوينة الي يعرف ليها 
نذكرو بعض الملوك منهم 
كاين الكحل بو غابة 
هذا مول الشاقور كيدير عصابة كحلة 
وعينيه صفرين المقام ديالو غرباوي يعني في مكناس والنواحي 
كاينة عايشة مولات الغابة
هادي غا الله يحفظ مع الله يستر 
ما كتفاهمش واعرة بزاف كتجي لابسة الخضر 
وبعض المرات الكحل 
هي مرا حقانية ومعقولة ولكن دغيا يطلع ليها الدم 
إلى لقات الديفو ما كاينش المفاهمة كاين غا الضريب والتصماك والتعواج
كاين بو جانكة هذا كيكون ديما هاز قرقابة في إيديه 
وتيكون قصير ومعمر بالودع من لفوق تا لتحت 
يعني كناوي قح
كاين ساندية هذا بحالا تقول هو الأب الروحي ديالهم
هو مول العقل والشوار والصدر الحنين عندهم 
فيه محنة الميمة عايشة بحال داك الشكل 
كيضرب الناس اليتامى الي مفتقدين الحنان 
بحالا كيعطف عليهم ويعطيهم الحب والحنان
كاين لاندو تاهو من ولاد الغابة
لاندو جمبرواي كمبر يني السودان ماريو 
كاين جوجو ناما 
هذا ملك خطير خطير خطير جدا 
كيحطو ليه لحم خضر كاينهشرو
الله يحفظ منه وصافي 
أصلا ما كيضربش من والى 
وما كاينش عند أي واحد 
كاينة لالة ماماريو السودانية 
حكيمة ولاد الغابة عارفة بعلم الأعشاب وأيضا خواص الحيوانات 
زوينة بزاف الي تكون عنده الغزالة ماماريو كيكون حكيم ديال الصح 
كاين سوركرو بلايجي 
تاهو قاسح
وأخيرا علال الحوصاوي 
هو العطار ديال الغابة
صوابهم الزميطة تصايب وتحط ليهم 
وبخورهم الجاوي الكحل

الف شكرا