وصفة للزواج

تفيقى يوم الخميس الصباح لازم تفيقي مع الفجر توجدي الدار يعني تنظفيها مليح ماشي كي العادة يعني ديري في بالك اليوم راه عرسك و بعد تستحمي و تتزيني و تلبسي الذهب و تلبسي قندورة ديال الحنة هاذيك لي يحنو فيها العروس من المستحسن ديال يماك و تجيبي حنة و جاوي تهرسي الجاوي و تخلطيه مع الحنة و تشوفي شي 3 بنات صغار مازال ماحاضوش يخلطوا ليك هاذيك الحنة و تجيبي 2 شمعات لونهم ابيض هادوك لي يستعملوهم للعروسة و تبخريهم بالمسك و الورد لازم الدار كامل تتبخر مع الشمعات و لازم نتي ما تعملي والوا غير انك تجهزي روحك تلبسي و تتزيني و الباقي يعملوه لبنات الصغار بعد ما توجدي كل شي يجو لبنات و ايخرجوك لصالون و 2 يحملولك الشمعات و و ايغطولك شعرك بفولار ابيض ويزغرتوا عليك و الموسيقى و يرقصوا و حدة تحني ليك و كي تيبس الحنة تنحيها هاديك لي حنات ليك و تعطيهاليك و نتي روحي مباشرةً أرقدي بلا ما تكلمي احد و يوم الجمعة في الصباح عاودي خلطي الحنة مع شويه مسك و عطر لي تستعمليه انت و اكتبي بالخليط في الفولار اسمك و اسم أمك و أسموا و اسم أموا و تعلقيها في غصن شجره أيكون عالي لبنات انا قلت تعلقيها ما تربطيهاش بالتوفيق