قلبي يا المجروح

قلبي يا المجروح مال جرحك ما بغى يتشافى 
حزنت على جرحك وبكيت ولفت وماني في الفراق ولافة 
شحال من باب دقيت نطلب رجوعك ما نفعني فقيه ولا شوافة 
قلبي يا المجروح مال جرحك ما بغى يتشافى 
حلمت با الفرح ما لقيت ما لبست ابيض ما جاتني نكافة 
ما وقع في حياتي نهار كبير ما لقيت غير دموعي درافة 
قلبي يا المجروح سولت على دواك وجاني غالي 
الحبيب نكرك نكر اهواك وانت الي باقي في محبتو تعاني 
قلبي يا المجروح مال الاءيام ماشفات جراحك 
من نهار عقلت عليك وانت في القهر وعمرني ما شفتك ضاحك 
قلبي يا المجروح مال الأيام ما بغات تهنيني 
حطيت الرأس على الأحباب باعوني حتى واحد ما فكر فيني 
قلبي يا المجروح جروحك صعيبة والاءيام ما قدرت داوي 
من بعد العداب واش  تكمل معاهم ولا  على الفراق ناوي 
قلبي يا المجروح حسيت بجراحك وما فهمت كلامك 
وصيتك تفطر مع الي فطرو وتصوم مع الي صامك 
قلبي يا المجروح شكون اسبابك في جروحك انت غطيتيهم با الفراش وقلوبهم باغية تلوحك 
قلبي يا المجروح نتمنى الزمان يداوي جراحك 
الناس تتمنى الجنة وانا تمنيت نشوفك ضاحك

شكرا