مشآعرنا كآنت اصدق منا..

مشاعرنا كانت أصدق منا ..
نحب بعض حيل ابتدينا صدفه
فاتن فتاة بالجامعة عمرها 20 جميلة مرحة ..
طلال شاب جامعي عمره 23 جميل جذاب حيل ..
كانت عادي زيها زي أي بنت كان عندها أكاونت في انستقرام تنزل يوميات ومتفاعلها تصويرها جميل تعلق ع أي صورة وزي كيذا وبيوم من الأيام حطت صوره من تصويرها جاء شخص وعلق قال من وين وفاتن طنشت جاء بالخاص سأل نفس السؤال وردت عليه وسولفو قال لها ممكن أصير قريب منك وحط بنه واضافتة بالبي بي بدون تفككير كيف مدري ؟ كانوا عادي باليوم الثاني سولفو كل اليوم واستمروا ع هالحال لين حبو بعض بس المشكلة فاتن كذبت عليه ان عندها أخوان واخوات كثير وهم عائلة غنية طبعا لأنها شافته وسيم مراا قالت أكيدا غني لو قلت له حالنا ع قدنا راح يقلل من قيمتي عنده ، بقيوا مع بعض لمدة 9 شهور بتواصل دايم وسعادة وكل يوم يمر أحلى من الثاني قال لها بيوم فاتن إحنا علاقتنا سميها حب صداقة أي شيء بس زواج لا وهي شكت أن بيسوي فيها شيء بس ما قدرت تخليه لأنها صدق حبته .. ومضت الأيام وهم متواصلين كانوا صديقاتها يدرون عن حبها وعن اللي يصير .. وفي يوم قرروا يلتقون وتلأقوا. عارفين الإحساس اللي تحسون فيها لمن تجتمعون بالشخص اللي حبيته بكل ما فيك كل مشاعرك فرغتها عليه ..
أول لقى كان بالنسبة لهم أجمل شيء صار بحياتهم وعشقوا المكان اللي التقوا فيه ..
مرت الأيام وهم كل وقت مع بعض أشتاقوا للقاء وقرروا يلتقون والتقوا وفرحوا زي أول لقى واكثر جت الثالثه والرابعة والخامسة ومرا من المرات شكت شيماء أخت فاتن وقالت لها وين تتأخرين أنتي ؟ خافت فاتن وعلمت طلال وبطلوا يلتقون ، صاروا يمونون على بعض كثير ومافيه بينهم حدود .. جت الإجازة واشتاقوا لبعض حيل وهو قرر يدرس المادتين الأخيرة ترم صيفي ويتخرج وهي عارضته لأن تدري فيه بينشغل عنها قال بتخرج بدري عشان آتوظف واعيش حياتي ومنذا الكلام واقنعها سوت نفسها مقتنعه بس عشان ترضيه يبدأ يسحب عليها نص الوقت لأنه عنده مادتين صيفي أكيد بينشغل انشغل وهي انقهرت وحاولت تسحب نفسها بس ما قدرت من كثر الحب ، قالت تبي تصارحة بالبعد اللي سواه دوامه وقالت له وقرر ان كل يوم يهرج معها كل يوم بوقت محدد رجعوا يسولفون نفس قبل و اللي يدخل بطريق الحب يدوخ ويتعب ويضطر،
وفاتن نادمة ودها تعترف بس خايفه تجرحة ويتفارقون بشي شين
قربوا من بعض حيل وحبو بعض أكثر ، بالإجازة كان فيه زواج ل خاله فاتن وطبعا طلال عزمها ل زواج أخته الوحيدة (كان يبغى فاتن تتعرف على آهلة بنفسها )
ولأنهم من بنفس الديرة وقالت بتروح وكان زواج خاله فاتن بعد زواج أخت طلال بيومين ، وفجأه تغير موعد زواج خاله وصار نفس تاريخ زواج أخت طلال ...!
قررت تقول ل طلال أنها مسافرة وما يمديها تحضر زواج أخته ، طبعا هو زعل شوي وجلست تراضية و الحمد لله انه رضى راحت عند الكوافيرا ولقت بنت شكلها طيبة ، فاتن سألت البنت ل زواج مين جايين تتضبطوا له قالت البنت زواج أخوي وبدون مقدمات قالت البنت أخوي قصته قصه تخيلي هو كان يتمشى بالسيارة ولقى ثنتين بنات واقفين ع الطريق بيوقفون تاكسي لقاهم ذا الشخص ووقف قال يلا أوديكم وطلعوا كان فيه واحدة تستحي ومملوحة والثانية اختها كبيرة وعادية قالت له هات رقمك واعطاهم وهو كان عينه ع البنت الثانية .. وقال بيخطبها وأمي رفضت ومنذا الكلام وهو قرر وراح خطبها والحين تفشلنا منه وقلنا نروح معاه ؤكان اسمه طلال !!
وفاتن خطر ببالها أن طلال هو نفسه حبيبها وباتت في شك وقررت تشوف اسمه برنامج نمبر بوك شافته مكتوب درايفر يماني !! احتارت أكثر ! ومن يومها وفاتن عايشه في شك وقلق ودها تخليه بس تحبه. .
آكملها ولا لا؟؟
آنتظر حماسكم

شكرا