قصة {خــلــخــال} الجزء الرابع

سعود يطالع بجدته بأستغراب لتلعثمها.
محمد:ياخاله سؤالي واضح منهم هذوليك الناس أبغي أسمائهم.
فضه:عيال عمومتي خويلد العامري الله يرحمه وفضل العامري.
سعد:وهذولي وش يقربون للمغدوره هند رحمة الله عليها.
فضه زفرت:خويلد يكون ولد عم جدها وفضل يكون خوي جدها.
محمد طلع من جيبه ورقه وقلم:طيب أذا ماعليك أمر نبغي عناوين بيوت حمود وخويلد وفضل وكل قرايبينهم.
فضه نزلت راسها وقامت تملي محمد عناوين البيوت وبعدها قالت:بس فيه حفيد لفضل أسمه فضل هذا عايش عند الغرب.
سعد:في أي دوله.
سعود:بريطانيا.
سعد:ومن متى وهو عايش هناك.
فضه:من عشر سنوات.
سعد قام وقام بعده محمد:مشكوره ياخاله وأسفين على الأزعاج.
فضه وقفت ووقف معها سعود:لا أزعاج ولا شيء دام أن الموضوع يخص هند أنا راح أجاوب على كل شيء تبغونه فأي وقت.
سعد هز راسه:ماتقصرين مع السلامه.
محمد:في حفظ الله.
سعود يمشيء وراهم:مع السلامه والله يحييكم.
طلعوا من الباب الحديدي وركبوا سيارتهم وتحركوا.
سعود دخل وسكر الباب وتوجه للمجلس بس مالقى جدته غسل الفناجيل ورجعها محلها وطلع للبيت دخل وتوجه لمجلس الحريم دخل ولقى جدته جالسه وحاطه يدها على راسها.
سعود وهو يجلس بجنبها:وش القصه يمه.فضه بهدوء:أسكت يمه الدنيا قامت ومراح تقعد.
سعود وهو يبحلق عيونه:لا يكون هم من ذبحوا حرمت عمي.
الجده بصراخ:ماهو بعم لك تسمع وبعدين وش ذبحوها هذي بنتهم.
سعود:أنا أقصد العيسى مو العامري.
فضه طالعت بسعود بتركيز:لا وش دخلهم في هند.
سعود:يمكن الأوراق اللي لقوا علاها توقيع حمود العيسى مدري من تكون عند حرمة عمي.
فضه تطايرت عيونها وطالعت بسعود:بس وش يجيبها عندها.
سعود وهو يتكي:أنتم أدرا.
الجده فضه ضربته على راسه:وش قصدك ياولد نوره.
سعود:قصدي يعني أذا فيه أحد بيعرف وش جاب الأوراق عند حرمة عمي أنتم مو أنا اللي كني زي الأطرش بالزفه.
فضه:وعساك ماسمعتها.
سعود أبتسم ورجع راسه لورا وغمض عيونه.
ـــــــــــــ
*
*
عند المغيب تموت أحلام ولدت عند الشروق}
مسك راسه أهل خويلد وفضل مافادوه بشيء كل اللي يعرفونه أو مثلوا معرفته أن أبو محمود كان مأذي جدهم ورفضوا يقولون وش نوع الأذيه تحجج بأنها أسرار عائليه الشخص الوحيد اللي يقدر يسحب منه المعلومات هو فضل العامري رفعت جوالي وأتصلت برقمه اللي جابوه لي معارفي رن ورن ومحد رد دقيت مره ثانيه لاكنه طلع مقفل جواله أتصلت على الظابط محسن.
سعد:السلام عليكم.محسن:هلا وعليكم السلام كيفك وكيف القضيه معي.
سعد:ولله ياخوك كل مالقيت لي دليل زادت بعده العقد.
محسن:لاحول ولا قوة ألا بالله والحين وش راح تسوي أنا من يوم عرفت أن سلاح الجريمه خلخال وأنا متأكد أن الجريمه مو هينه.
سعد:الله يعين مير أنا قاصدك بخدمه.
محسن:أبشر ماردك خايب بأذن الله.
سعد أبتسم:هذا العشم فيك أبغيك تيسر لي الموافقه على أستدعاء واحد أسمه فضل علي فضل العامري يعيش ببريطانيا له حول العشر سنين وعمره35سنه وصدقني وجوده راح يفك عقده عظيمه.
محسن بفزعه:يومين وهو بالسعوديه أن ماعاقنا شر أن شاء الله.
سعد أبتسم لين بانت أسنانه البيض المتراصه بشكل جميل وأنحفرة غمازته بخده الأيمن:مشكور وماتقصر يا أبو ريم.
محسن:أنا بخدمتك وقت ماتبي.
سعد:طيب أنا أسترخص منك بروح أكمل شغلي.
محسن:خذ راحتك مع السلامه.
سعد:مع السلامه.
سكر ورما الجوال على المكتب ورجع يجمع الأدله ويربط بينها طالع بالكيس البلاستيكي الموضوع بداخله سلاح الجريمه الملطخ بالدم دقق فيه ورجع يطالع بأوراقه الدنيا كلها بكوم وأداة الجريمه بكوم وش معنا أنه يذبح ضحيته بخلخال ليش ما أستخدم سكين حاده مسدس موس مشرط مقص ليش ما خنقها بحبال أو حزام ليش ليشرجع يطالع بالخلخال فتح درج مكتبه وطلع منه قفازات طبيه لبسها وفتح الكيس وطلع الخلخال كان مصنوح من الذهب ومطعم بالألماس وجانب منه مشجر وحاد قلبه للجهه الثانيه لقا مكتوب عليه بالألماس ن/ح/ن 1400/7/1 {ل} مسك ورقه وقلم وشبك الاحرف مع التاريخ بالترتيب(نحن 1400/7/1 ل)حط دائره على الام ورما القلم هذا وش يقصد فيه بس لو نحسب التاريخ على أنه تاريخ ميلاد الشخص بيكون عمره 35سنه مسكت راسي ويمكن تاريخ زواج طلاق يوم مهم اه ياربي وش قاعد يصير رن جواله وكان رقم دولي رد:الو.
المتصل:السلام عليكم.
سعد:وعليكم السلام هلا من معي.
المتصل:فضل بن علي بن فضل العامري.
سعد أبتسم وريح ظهره على الكرسي:هلا ولله أكيد شفت أتصالاتي.
فضل:ماكنت راح أرد عليك لولا الأستدعاء اللي جاني.
سعد أطلق ضحكه رجوليه صاخبه:هههههههههه بهذي السرعه ولله برافو على محسن أنجز وعده بسرعه أيه يافضل ووش عندك.
فضل:أنت اللي وش عندك ومن أنت.
سعد:أنا سعد الكايد محقق فالجرائم الجنائيه وأنا اللي أحقق حاليآ في قضيه مقتل هند العامري بعد ماسلمنيها أبوي الله يطولي بعمره أما وش أبغي فأضن أنك عرفت.
فضل:وأنا وش دخلني.
سعد:كلكم يالعامري متهمين بمقتل هند وأضن بلغوك بيوم حظورك ولو تعجل أكثر يكون أحسن.
فضل:يالليل الشقا ياخي بالعقل حرمه معرفها ولا تعرفني وعلاقتي بقرايبينها سطحيه جدآ وش يحدني على قتلها.
سعد:طيب أنت تعال وش ينقصك.
فضل بنرفزه:لا ينقصني تراني واحد مشغول والشغل لحد راسي بدال منت قاعد تتهم خلق الله أمسك المجرم.
سعد ببرود:تعرف أني بديت أتأكد أنك أنت القاتل.
فضل:بكره بعد صلاة العصر راح أجيك وين تحب نتقابل.
سعد أبتسم أبتسامه مائله لليسار:في مكتبي وهذا هو العنوان .............
فضل:سلام.
سعد:ياهلا.
تمدد على سريره مو معقوله يتهمونه في مقتلها وش دليلهم ولا كذا متى ماطقت براسهم أستدعوا فتح دولابه وسحب شنطه متوسطه سوداء وبداء يحط فيها لوازمه لمدة أسبوع أكيد الموضوع مراح يطول أكثر من كذا بعد ماخلص أخذ جواله وأتصل على مدير أعماله يخبره بسفرته المستعجله سكر ولبس البالطوا حقه ونظاراته الشمسيه بلونها البني المتوسط الدرجه وسحب شنطته طلع من بيته وقفله وركب سيارته وأنطلق للمطار متجه لطائف.
ـــــــــــــ
*
*
واقفه فالمطبخ تطالع بقدر العشاء وهي تفكر لو أنكشف اللي قاتل أمها وطلع واحد هي تحبه مثلا واحد من عمانها ولا خوالها وش تسوي وقتها

مشكورة